மழை..

இன்று காலையில் வானம் கருகருவென மேகமூட்டமாக இருந்தது. பத்து மணி அளவில் சிறு மழையாக பெய்யத் தொடங்கி பன்னிரெண்டு மணிக்கு கொஞ்சம் பெரிய மழையாக பெய்ய ஆரம்பித்து இரண்டு மணிபோல கொஞ்சம் கொஞ்சமாக நின்றது. மூன்று மணி வரையில் தூரலாக பெய்தது. சில விவசாய பெருமக்களுக்கு உளுந்துப் பயிறு அறுவடைக்கு தயாராக இருக்கும் சூழலில், இந்த மழையானது பெரும் துன்பமாக அமைந்துள்ளதை பார்க்கிறோம். சில கரிசல் காடுகளில் உளுந்துப் பயிரை அறுத்து போட்ட பிறகு தினமும் தூரல் மழை, சிறு மழை, பெருமழை என பெய்வது பருவநிலை மாறுபாட்டின் தன்மையை குறிக்கிறது. ஐந்து நாட்கள் முன்பு, கிழக்கு திசை மார்க்கமாக விஸ்வாமித்திரன் அவர்களுடைய ஐந்து ஏக்கர் காட்டில் அறுவடையான உளுந்துப் பயிர் மறுதினம் தொடங்கி பெய்த மழை காரணமாக எந்திரம் கொண்டு பயிரை பிரிக்க முடியாத சூழலில், பயிர்கள் சேதாரமாக சாத்தியம் ஆனதைக் கண்டு துன்பமாக இருந்தது.